‘नगेन्द्रराज शर्मा साहित्यिक पत्रकारिता पुरस्कार’ दायित्व पत्रिका संस्थापक तथा सम्पादक रामप्रसाद पन्तलाई प्रदान गरिने भएको छ ।

साहित्यिक पत्रकारिता नगेन्द्रराज शर्माको नाममा स्थापित कोषले ‘दायित्व’मार्फत् साहित्यिक पत्रकारिताको क्षेत्रमा योगदान पुर्याएबापत ‘नगेन्द्रराज शर्मा साहित्यिक पत्रकारिता पुरस्कार, २०७९’ रामप्रसाद पन्तलाई प्रदान गर्ने निर्णय गरेको हो ।

एक समारोहका आयोजना गरी पुरस्कृत स्रष्टा पन्तलाई पुरस्कार राशि २५ हजार रुपियाँ नगदका साथमा सम्मानपत्र प्रदान गरिने आयोजकले जनाएको छ ।

साहित्यिक पत्रकारिताको क्षेत्रमा योगदान पुर्याएका पत्रकारहरुलाई सम्मान गर्ने हेतुले अघिल्लो वर्षबाट यो पुरस्कार प्रदान गर्न थालिएको हो । अघिल्लो वर्षको पुरस्कार साहित्यिक पत्रिकाका सम्पादक रोचक घिमिरेलाई प्रदान गरिएको थियो ।

०४४ साल वैशाखदेखि प्रकाशनमा आएको साहित्यिक पत्रिका ‘दायित्व’सँगै ‘दायित्व प्रतिष्ठान र सार्वजनिक पुस्तकालयको समेत निर्माण भइसकेको छ ।