साहित्यपोस्ट
नेपाली भाषा र साहित्यको सम्पूर्ण पत्रिका
sp machapuchara cash back ads

लघुकथा प्रतियोगिताको चाैबीसाैँ साता : कर्ण, टुकादेवी र भीम विजयी

साहित्यपोस्टले सञ्चालन गरेको घोस्ट राइटिङ् लघुकथा प्रतियोगिताको चाैबीसाैँ अङ्कमा कर्ण दयाल, टुकादेवी पौडेल आचार्य, भीम पाण्डे विजयी हुनुभएकाे छ । यस प्रतियोगिताकाे अघिल्लाे साता मनाेहर पाेखरेल, रेणु अधिकारी “मौनता” र संसार नेपाली  विजयी हुनुभएकाे थियो ।

विजयी तीन लघुकथाहरू विषयवस्तु, कथा चेत, नवीनता र सामाजिक सबै किसिमले उत्कृष्ट भएकाले साहित्यकार खेमराज पाेखरेल, श्रीओम श्रेष्ठ रोदन र दीपक लोहनीको संयुक्त निर्णयमा सर्वोत्कृष्ट घोषित गरिएको हो ।

“चाैबीसौँ चरणको प्रतियोगिताका लागि दसैँअघि नै लघुकथा आव्हान गरिएको भए तापनि प्राविधिक कारणवश पुनः आव्हान गर्नुपरेकाे थियो ।”, निर्णायकमध्येका श्रीओम श्रेष्ठ राेदनले भन्नुभयाे, “पुनः आव्हान गरिएकोमा निर्णायकहरूकाे व्यक्तिगत मूल्याङ्कनपश्चात् सामूहिक छलफलबाट रहेक किसिमले उत्कृष्ट ठहरिएका कर्ण दयाल, टुकादेवी पौडेल आचार्य, भीम पाण्डे लघुकथाहरूलाई चाैबीसाैँ चरणका लागि वियजी घाेषित गरिएकाे छ । ”

त्यस्तै एकपटक विजयी भइसकेपछि पुनः कथा पठाउँदा “अप्रतियोगी” लेखेर पठाउन पनि श्रेष्ठले अनुराेध गर्नुभएकाे छ । उहाँले भन्नुभयो, “एकपटक विजयी भइसक्नुभएका केही कथाकारहरूले पुनः प्रतियोगीकै रूपमा कथा पठाउनुभएकाे पाइयो । उहाँहरूलाई “अप्रतियोगी”का रूपमा लघुकथा पठाउनुहुन निर्णायक मण्डल अनुरोध गर्दछ ।”

प्रतियोगिताका लागि जम्मा २० वटा लघुकथाहरु प्रतियोगीका रूपमा प्राप्त भएका थिए । आफ्नो क्षेत्रमा स्थापित साहित्यकारहरुले पनि रचना पठाएकोमा आयोजक घोस्ट राइटिङ् नेपाल तथा संयोजक साहित्यपोस्ट दुवैले स्रष्टाहरूमा धन्यवाद ज्ञापन गरेका छन् ।

niti book inside post

यसपटक छानिएका तीन लघुकथाका सर्जकहरुलाई कम्तिमा एक हजारबारबरका लघुकथाका सिद्धान्त एवं उत्कृष्ट लघुकथाका पुस्तकहरु पुरस्कार एवं सम्मानस्वरुप प्रदान गरिनेछ । पुरस्कृत स्रष्टालाई साहित्यपोस्टले सम्पर्क गरेर पुरस्कार हात लगाउने प्रयास गर्नेछ ।

हरेक साता छानिँदै गएका तीन तीनवटा लघुकथाहरुलाई ५० सातापछि पुस्तकका रुपमा प्रकाशन गर्ने तयारी घोस्ट राइटिङ् नेपालको रहेकाे छ । यसरी छानिएका लघुकथाहरुमध्ये पनि सर्वोकृष्ट तीनवटा लघुकथालाई क्रमशः ३० हजार, २० हजार र १० हजार नगद पुरस्कार एवं केही थान आख्यानका पुस्तक उपहारस्वरुप प्रदान गरिनेछ ।

पढ्नुहाेस् चाैबीसाैँ चरणका विजयी लघुकथाहरूः

प्रतिक्रिया
Loading...