साहित्यपोस्ट
नेपाली भाषा र साहित्यको सम्पूर्ण पत्रिका
FIRST ANNIVERSARY

लघुकथा प्रतियोगिताकाे पाँचाैँ चरणः गणेश, सुनिल र विष्णु विजयी

साहित्यपोस्टले सञ्चालन गरेको घोस्ट राइटिङ् लघुकथा प्रतियोगिताको पाँचाैँ अङ्कमा गणेश नेपाली, सुनिलप्रसाद देवकाेटा “नानाजी” र विष्णुप्रसाद आचार्य “अतृप्त”  विजयी हुनुभएकाे छ । यस प्रतियोगिताकाे अघिल्लाे साता मीरा काफ्ले, गणेशप्रसाद भट्टराई र मनीषकुमार शर्मा समित विजयी हुनुभएकाे थियो ।

विजयी तीन लघुकथाहरु विषयवस्तु, कथा चेत, नवीनता र सामाजिक सबै किसिमले उत्कृष्ट भएकाले विवश पाेखरेल, श्रीओम श्रेष्ठ रोदन र दीपक लोहनीको संयुक्त निर्णयमा सर्वोत्कृष्ट घोषित गरिएको हो ।

‘प्रतियोगिताका लागि आएका लघुकथाहरु उत्कृष्ट थिए । लघुकथाहरू एकअर्कामा बढी नै प्रतिस्पर्धी थिए ।’ निर्णायक श्रीओम श्रेष्ठ रोदनले साहित्यपोस्टसँग बताउनुभयाे, ‘हामीलाई उत्कृष्ट तीनकाे छनाेट गर्न धेरै नै सकस भयाे । आफ्नाे सीमितताका कारणले उत्कृष्ट हुँदाहुँदै पनि तीनभन्दा बढीलाई पुरस्कृत गर्न सकेनाैँ ।’

प्रतियोगिताका लागि जम्मा ४५ वटा लघुकथाहरु प्राप्त भएका थिए । जसमध्ये केही स्रष्टाहरूले ‘अप्रतियोगी’काे रूपमा प्रतियोगितामा सहभागिता जनाउनुभएकाे थियो । आफ्नो क्षेत्रमा स्थापित साहित्यकारहरुले पनि रचना पठाएकोमा आयोजक घोस्ट राइटिङ् नेपाल तथा संयोजक साहित्यपोस्ट दुवैले स्रष्टाहरुमा धन्यवाद ज्ञापन गरेका छन् ।

यसपटक छानिएका तीन लघुकथाका सर्जकहरुलाई कम्तिमा एक हजार बारबरका लघुकथाका सिद्धान्त एवं उत्कृष्ट लघुकथाका पुस्तकहरु पुरस्कार एवं सम्मानस्वरुप प्रदान गरिनेछ । पुरस्कृत स्रष्टालाई साहित्यपोस्टले सम्पर्क गरेर पुरस्कार हात लगाउने प्रयास गर्नेछ ।

हरेक साता छानिँदै गएका तीन तीनवटा लघुकथाहरुलाई ५० सातापछि पुस्तकका रुपमा प्रकाशन गर्ने तयारी घोस्ट राइटिङ् नेपालको रहेकाे छ । यसरी छानिएका लघुकथाहरुमध्ये पनि सर्वोकृष्ट तीनवटा लघुकथालाई क्रमशः ३० हजार, २० हजार र १० हजार नगद पुरस्कार एवं केही थान आख्यानका पुस्तक उपहारस्वरुप प्रदान गरिनेछ ।

घोस्ट राइटिङ् लघुकथा प्रतियोगिताको छैटाैँ चरण भोलि अर्थात् आइतबाट सुरु हुनेछ ।

प्रतिक्रिया
Loading...