गङ्गाराम गड्तौला

१.
गायक भने म गायकै छु
नायक भने म नायकै छु
अरूका लागि जे भए पनि
तिम्रा लागि त म लायकै छु ।

२.
मनमा तिमी छिर्ने बाटो बार्न पाए बारिदिन्थेँ
मुटु मेरो तिमी भित्रै सार्न पाए सारिदिन्थेँ
अचाक्ली यो माया तिम्रो भो सहन सक्दिनँ म
गोली ठोकी तिमीलाई मार्न पाए मारिदिन्थेँ ।

३.
मनभित्र एउटा सुइरो गाढिएको धेरै भयो
रात नसुती यता उता माडिएको धेरै भयो
भनूँ भने कसलाई भनूँ मुटुभित्र भको कुरा
जिन्दगीमा खुसी मेरो टाढिएको धेरै भयो ।