अजय अनमोल


प्रेमको अनौठो परिभाषा दियौ कसरी भुल्न सक्छु
मायाको बदला घृणाले लियौ कसरी भुल्न सक्छु
दुश्मनलाई पनि त हरक्षण सम्झिरहेको हुन्छु भनें
तिमी त मुटुको धमनी थियौ कसरी भुल्न सक्छु ।

फूलको मुटुमा अटाउन मेहनत गरियो
हरदम् फूललाई सताउन मेहननत गरियो
आफ्नोहरु चुहिने लोटाको पानी झै रित्तिदै गएछन्
बस् पराइलाई आफ्नो बनाउन मेहनत गरियो ।

मन मुटु जताततै आधा भेटिन्छिन्
नम्र बोलीसँग जहिल्यै सादा भेटिन्छिन्
प्रेम भन्दा ठूलो विवाह हुने भए किन
मन्दिरहरुमा कृष्ण सँग राधा भेटिन्छिन्