मिना पौडेल निकासी (बाक्सा)

१.

जुन तारा झारिदिने होइन, सपना साकार बनाउने हुनुपर्छ,

हाई झगडा नगरी कुरा बुझाउने अनि सम्झाउने हुनुपर्छ ।

रूपरङ्गको वास्तै नगरी मन मिल्ने मान्छे नै मायालु हो बुझ्नुस्,

सुख होस् या दुःख ऊ साथमै बसी कमाउने र रमाउने हुनुपर्छ ।।

२.

बाउको सम्पत्तिमा घमण्ड गर्दै मात्तिएको देख्छु,

सुकर्ममा भन्दा धेरै कुकर्ममा तात्तिएको देख्छु ।

बल्ल आएछ क्यार घरको जिम्मेवारी टाउकोमा,

त्यैसैले त कामको सिपै नपाएर आत्तिएको देख्छु ।।