मंसिर २७, बिहीबार ०३:१३ 
|
|
प्रल्हादकुमार ढकालबैशाख १५, बिहीबार १५:०९ |
प्रल्हाद कुमार ढकाल
आँप खाने काटेर
बयर खाने बाँडेर
मेवा खाने ताछेर
मुसु मुसु हाँसेर ।
अनार खाने छोडाउँदै
जुनार खाने केलाउँदै
सुन्तला खाने छिलेर
सबै जना मिलेर ।
आरु खाने पुछेर
उखु खाने चुसेर
केरा खाने खोलेर
साथी साथी बोलेर ।
स्याउ खाने सुटुक्क
काफल गेडि कुटुक्क
एभोकाडो चिरेर
भान्छा भित्र छिरेर ।
कागती खाने निचोरी
अम्बा खाने कोपरी
नास्पाती नुनमा चोपेर
सिन्का ले खोपेर ।
भुइँकटहर खाने उखाली
जामुन खाने पखाली
बदाम दाना कुरुक्कै
खान पाए हुरुक्कै ।
लिची खाने हेरेर
अङ्गुर खाने धोएर
ओखर खाने फुटाउँदै
साथी संगी जुटाउँदै ।
ऐसेलु खाने खोजेर
सरिफा खाने रोजेर
भोगटे निबुवा साँधेर
बराबरी बाँडेर ।
सबै फलफूल स्वादिला
रसिला र पोषिला
ताजा सफा चपाउँने
रोग ब्याधि भगाउँने ।
साहित्यपोस्ट पढ्नुभएकोमा धन्यवाद
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।
Scan गर्नुहोला
