मंसिर १९, बुधबार ०३:२६ 
|
|
editorभाद्र १८, बिहीबार २१:१९ |
मित्रबन्धु पाैडेल
विष निस्कन्छ
नेताका नामबाट
जनता जिल्ल !
ए! जिल्लाराम,
कता गुडुल्किराकाे ?
काँचुली फेर्न ।
फेर्याै काँचुली
ढुकुटी रित्याएर
आफैँ पालिन्छाै ।
पाल्नै पर्ने भाे
नेता र सर्पहरू
कुन विषालु ?
नसाेध प्रश्न
सर्पदंश भा’छ र?
यी सत्ता-दाह्रा !
दाह्रा र आँखा
काेखाभित्र राखेर
ढुकुटी हेर्छन् ।
ढुकुटी रित्ताे
मल किन्न छाडेर
सर्प पाल्नुछ ।
सर्पकाे खुट्टा
सर्पले मात्र देखाेस्
सत्तान्धाे मान्छे !
ए मान्छेहरू !
भेँडा हाै या सर्प हाै ?
किन सुन्दैनाै ?
बहिराे सत्ता !
रतन्धाे प्रतिपक्ष
तक्षकहरू ।
तक्षकहरू
परागभित्र लुक्दै
मुलुक डस्दै ।
साहित्यपोस्ट पढ्नुभएकोमा धन्यवाद
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।
Scan गर्नुहोला
