छन त छ नि सप्पैलाई सम्झिरहन मन छ
तर नयाँ सम्झिएपछि पुरानालाई बिर्सन्छ

प्रयोगशालामा दिमागलाई राखेर हेर्न पाए
देखिने थियो कि सम्झना कहाँनिर रहन्छ

हेर्दे जानुहोस् यो चुनाव पनि उसले हार्दैन
ऊसँग धन छ धन बाँडेरै जित्ने चलन छ

तिमीले मलाई प्राण हौ जीवन हौ भनेदेखि
यो छातीमा आजकाल तिम्रै माया धड्कन्छ

किन सुर्ता गर्नुहुन्छ महङ्गा गहना वस्त्रको
त्यो भन्दा कयौँ सुन्दर त हजुरको वचन छ

फुर्तीफार्ती गर्ने जिम्मा त तपाईंको पो हो
म त शालिन मान्छे हुँ मेरो आफ्नै पन छ ।

हेटौंडा, मकवानपुर