साहित्यपोस्ट
नेपाली भाषा र साहित्यको सम्पूर्ण पत्रिका

रमेशको गजल

Chovar Blues Mobile Size

कवाडीले मोल पाउँछ कारखानामा पुगेपछी
जसले पनि फूर्ती लाउँछ बथानामा पुगेपछी ।

हिजोसम्म दाजु भाइसँगै मिली बसौं भन्ने
छिमेकीले बोली फेर्छ सीमानामा पुगेपछी ।

पराइले फूल रोप्दा पनि आँगन मेरै हो सोचिरह्यौ
आज चेत खुल्यो आँगन बिरानामा पुगेपछी ।

आजसम्म तिमी मेरै भरोसामा बाँचेका छौ
तिमी हिँड्छौ कै नबोली ठेगानामा पुगेपछी ।

आफू रुझ्दै भएपनि उसलाई छाता ओढाइदिएँ
धन्यवादसम्म नदिइ हिँड्यो ओभानामा पुगेपछी ।

प्रतिक्रिया
Loading...