सागर भण्डारी “विभोर”

गुनासो धेरै रहन्छ परदेशीसँग परिवारसँग

यस्तै छ जीवन, चित्त बुझाउँछु, खाली निधारसँग

आशीर्वाद छ, माया छ, विश्वास र आशा पनि रहन्छ
सँगै म नभए पनि, रमाउनु दशैँ तिहारसँग

तिम्रा मौन अधरका सवालसँग निरुत्तरित छु
निर्मम भएर हिसाब माग्छ, लाखले हजारसँग

गन्तव्यको टुङ्गो नभए पनि हिँड्नै पर्नेछ मान्छेले
कस्तो विवशता ! नदीको सम्झौता दुई किनारसँग

बगनासकाली ६,पाल्पा
हाल- अफ्रिका