रबिन्द्र लम्साल 

मीठो मुस्कानको त अनौठो संसार हुँदोरहेछ !
मात्र एउटा मुस्कानमा अरूको हार हुँदोरहेछ !

युद्धमा जित कसैको हुँदैन रिसानी हित हुँदैन
मुस्काऊ प्रिय ! ओठमा रिस बेकार हुँदोरहेछ !

ईर्ष्याले स्वयं जलाउँछ आवेगले मन गलाउँछ
मन्द मुस्कानको महिमा अपरम्पार हुँदोरहेछ !

नभर्नु कतै मनमा विष आँखामा कुनै आरिस
खुसी नयनमा प्रेम-प्रवाह लगातार हुँदोरहेछ !

श्रृङ्गारिनु व्यर्थ रैछ जब मुहारमा द्वेश झर्दछ
केवल मुस्कान एक अमूल्य, श्रृङ्गार हुँदोरहेछ !

रबिन्द्र लम्साल
ठूलीपोखरी, पर्बत