साहित्यपोस्ट
नेपाली भाषा र साहित्यको सम्पूर्ण पत्रिका

गजल

Chovar Blues Mobile Size
बिशेस पन्त

उसलाई एअरपोर्टबाट खाली खुट्टा परदेशीनु छ ।
त्यसको बदलामा उसले यहाँ गधा हिँड्ने रेड कार्पेट किनिदिनु छ ।

चप्पल छिन्दा फेर्ने औकात छैन उसको त्यसमाथी परदेशीदा
रेमिट्यान्सको सहाराले चप्पलेहरुलाई दरबार ठड्याइदिनु छ ।

उता शिर देखि पाउसम्म पसिनाको धारा बगेर के भो
यता तातो चिसो पानीको धारा सँगै ए.सि हिटर जोडिदिनु छ ।

उसको अङ्ग भङ्ग होस् कि कतै ज्यानको बाजी लाउनै परोस्
उसको जिम्मामा गधालाई रुघा लाग्दा अमेरीका कुदाउनु छ ।

परदेशका शेठका पाउ मोलेरै भएपनि उसले
घरदेशका जोइटिङ्ग्रेका दरबारका छाना टालिदिनु छ ।

sagarmani mobile size

उसलाई एअरपोर्टबाट खाली खुट्टा परदेशिनु छ ।
त्यसको बदलामा उसले यहाँ गधा हिँड्ने रेड कार्पेट किनिदिनु छ ।

प्रतिक्रिया
Loading...