बिमल अम्गाँई

छोराको झोलुङ्गो बनेकै दिन बनेछ आमाको चिहान पनि ।

यत्ती सम्म कठोर नबन्नुपर्ने थियो भगवान पनि।।

हिजो खेल हार्नेहरु आज संसार जित्ने तरखरमा छन् ।

जित्नेले अझै आफ्नो बनाउन सकेन मैदान पनि।।

मन सुनसान् अनि धड्कन् चट्टान् बनाउन सक्नुपर्छ ।
अरे बहुत कठिन छ यो जिन्दगीको उठान पनि।।

पक्कै त्यो वस्ती ऐले निकै अध्याँरो बनेको होला ।
आज बहुत उज्यालो देखिएको छ श्मशान पनि। ।

समाज सुधार्ने कुरा गर्छ समाज रङ्याउँछु भन्छ ।
बिधुवा स्वीकार गर्न सक्दैन स्वयं एउटा विद्वान पनि।।