Chovar Blues Mobile Size

मनिराम कंडेल

महोदय असलमा सत्य खै कहाँ भेटिन्छ
अक्सर झुट बोल्दिए मान्छे खुसी देखिन्छ

इतिहास बन्नुछ प्यारी सँगै बाँच्ने मर्ने कुरा नगर
यहाँ बिछोडिएकाहरूकै प्रेम कथा लेखिन्छ

महँगो कलमले लेखिएको भए जतन हुन्थ्यो
रगतले लेखिएको प्रेमपत्र हो त्यसैले च्यातिन्छ

काँडा हो र त उलाई कुल्चने प्रयास कोही गर्द‌ैनन्
महोदय मखमललाई त जो कोहिले पनि कुल्चिन्छ

अहो ! हिजो भोट माग्नेले आज कमिसन मागिरहेछ
कस्तो व्यवस्था हो जहाँ सत्तामा मात्रै भिखारी भेटिन्छ।।

 

बाग्लुङ