मनिराम कँडेल मन्जिल

मनिराम कँडेल मन्जिल

पाए पनि तिम्रो साथ रहने चाहना छ‌ैन
थाहा छ त्यो दिलमा प्रेमको खजाना छैन

घर जलाउनेहरूलाई सजाय तोकियो यहाँ
कठै ! मन जलाउनुहरूलाई हर्जाना छैन

संसार बिर्सेर तिमीसँग रमेको पछुतो छ अहिले
भन्दै त थिए यारहरू चोखो प्रेमको जमाना छैन

दशकौँ बित्यो सायद अब त घाउ पनि पुरियो
के देखाऊँ अब तिमीले दिएको नजराना छैन

देख्नेहरूले घडीका सुईहरूकै तँछाडमछाड देखिरहेछन्
देख्न धेरै बाँकी छ त्यसैले त यहाँ ब्याट्रीको सराहना छैन

ताक्नु पूर्व नै बेहोस हुन्छ यदि शिकार भने
यत्ति बुझ अब लगाइरहनु पर्ने कुनै निशाना छैन ।

बाग्लुङ