कुनै दिन साथ दिन छोड्नेछ, जोवनले पनि
तिम्रो बिछोड कसरी सहन्छ, यो मनले पनि ।

आँखा बन्द गर्छु, त्यो बाल्यकाल सम्झन्छु
केही हर्कत देखाउँदै थियो, बचपनले पनि ।

रिस उठे पनि केही नबोल्नु, बस मुस्कुराउनु
मनमा पीडा हुन्छ, नमिठो वचनले पनि ।

उमेरसँगै कपाल फुल्न थालेका छन् अचेल
एकदिन त संसार छोड्नेछ, बदनले पनि ।

यो दुर्जनहरूको बस्तीमा, एक्लो नछोड्नु
कसरी बाँच्न सम्भव होला, सज्जनले पनि ।

दमौली, तनहुँ