उमेश प्रधान

सम्झिएर  आँसु बग्छ काली मेरो पनि

भेट्ने समय आउला यसपालि मेरो पनि ।
तड्पिएर बस्छौ रे एक्लै आँगनमा तिमी
उसै पनि त यो यौवन छ खाली मेरो पनि ।
एक हात लिएर के गर्छौ सुनसान जीवनमा
दुई हित मिले अनि बज्नेछ ताली मेरो पनि
सपनाका फूलहरू सजाएको छु यति भने
अब त तिमी नै बनिदेऊ न माली मेरो पनि ।
आऊ न सजाऔँ खेत मायाँको मिलेर हामी
हरिया नै छन् अझै मनको  बाली मेरो पनि।
बैँस रहुन्जेल हो यो मुहार घमन्ड नगरे हुन्छ
बनोस् न थुप्रै जिस्किनलाई साली मेरो पनि।
लेखकका अन्य सिर्जनाहरू पढ्न यहाँ क्लिक गर्नुहोस्...