how do you use zoosk how to pay for tinder gold with paypal how to get back on tinder after ban how to find out who swiped right on tinder
साहित्यपोस्ट
नेपाली भाषा र साहित्यको सम्पूर्ण पत्रिका
sp machapuchara cash back ads

नेपाली गजल शृङ्खला ११

ratna book ads

नेपाली गजल ‘गुल र बुलबुल’को किस्सामै सिमित नहोस्

अरबी भूमिबाट यात्रा सुरू गरेको गजल पछिल्लो समय अनेक भाषा र परिवेशमा लोकप्रिय बनेको छ ।

कुनै बेला राजदरबारमा राजखलकहरूको मनोरञ्जनका खातिर उपयोग गरिने गजल विधाले आफ्नो लामो र सङ्घर्षपूर्ण यात्राका क्रममा आफ्नो स्वरूप र अभिव्यञ्जनामा निकै परिवर्तन गरिसकेको छ । फारसी भाषादेखि मुगल शासकसम्मको पुरानो इतिहास बोकेको गजल उर्दू, हिन्दी हुँदै नेपाली भाषासम्ममा आइपुग्दा अनेकौं उतारचढावहरू पार गर्दै आफ्नो सुदीर्घ परम्परासमेत स्थापित गरिसकेको छ । योसँगै गजलले आफ्नो गौरवशाली इतिहासका झण्डै हजार वर्ष पार गरिसकेको छ ।

सरल शब्दहरूबाट गहन दर्शन–भाव प्रस्तुत गर्न सकिने गजलका माध्यमबाट जिन्दगीलाई नजिकबाट नियाल्न सकिन्छ । गजलमा प्रयोग हुने सरल शब्द संयोजन र यसले बोक्ने गहन भाव, दर्शनकै कारण पनि आज यो विधाको उचाइ चुलिइरहेको पाइन्छ । यद्यपि यसका शास्त्रीय गुण-लक्षणको परिवर्तित स्वरूपलाई लिएर भने विभिन्न मतान्तरहरू रहेको देखिन्छ । मतभेदका बीचमा पनि गजलको लोकप्रियतालाई कसी लगाउनु पर्ने अवस्था भने छैन ।

मोतीराम भट्टले भित्राएको नेपाली गजलमा पनि विभिन्न मतान्तरहरू रहँदै आएका छन् । नेपाली गजल ३५ सालको पुनर्जागरण कालपछि फरक फरक कित्तामा रहेर लेखिँदै आएको पाइन्छ । लेखनको मामिलामा मतान्तर देखिए पनि लोकप्रियताका मामिलामा नेपाली गजलले बाजी मारिरहेको छ । त्यसैले मतान्तरहरूमा अल्झिरहनुभन्दा स्तरीय गजल लेख्नु आजको आवश्यकता हो ।

सम्बन्धित पोस्टहरु

समग्र नेपाली गजलको उन्नयनका लागि हामीले साहित्यपोस्ट डटकममा ‘नेपाली गजल’को शृङ्खला सुरू गरेका छौँ । यसको मुख्य ध्येय भनेकै विभिन्न मतान्तरलाई टाढा राखेर स्तरीय नेपाली गजललाई बृहत्तर बनाउनु नै हो । यसका नियमित शृङ्खलाहरूमा हामी नेपाली गजललाई पाठकमाझ पुर्याउने अभ्यास गरिरहेका छौँ । यो अभियानमा जोडिन संसारभरका नेपाली गजलमा साधना गरिरहनुभएका तपाईँहरू सम्पूर्णमा अनुरोध समेत गर्दछौँ ।

अन्त्यमा हामी यही चाहन्छौं – नेपाली गजल ‘गुल र बुलबुल’को किस्सामै सीमित नहोस् । जय गजल !

संयाेजन–सहजीकरण
कमल संघर्ष
प्रतिक्रिया
Loading...