साहित्यपोस्ट
नेपाली भाषा र साहित्यको सम्पूर्ण पत्रिका

राति

गजल

मलाई यादमा मस्तै पिलाएको थियो राति
उनैको सम्झना ताजा दिलाएको थियो राति

भकानेरै दुखेँ धेरै कुराकानी भयो गाढा
मनै फाट्दा उसैले पो सिलाएको थियो राति

सबैलाई फकाएरै दिलै जित्ने छ रे बानी
नमिल्ने त्यो कुरा जम्मै मिलाएको थियो राति

bahulako diary small and inside post

लुकीचोरी लुकामारी भयो के के जुनेलीमा
लजाएरै कयौं तारा बिलाएको थियो राति

भनौं आफ्नो कथाकुन्थो मलाई के नशा लाग्यो
खरो पारी मुखै कस्तो चिलाएको थियो राति

(बहरे हजज मुसम्मन सालिम)

लिस्बन, पोर्चुगल

प्रतिक्रिया
Loading...