आचार्य प्रभा

लेखिएको भाग्यको रेखा मेट्न सकिन्न
आई परेको दुःखलाई छेक्न सकिन्न ।
सङ्घर्षको मैदानमा लड्दै बाँच्नुपर्छ
समस्या र बाधा अड्चन खेद्न सकिन्न ।
सहनु त सहिएला अनिकालको घाउ
पेटको भोक जागेपछि थेग्न सकिन्न ।
अति कमजोर बनाइदियो मान्छेको मन
 खाएर हार आफ्नै  घाँटी सेर्न सकिन्न ।
बाँचेकैथ्यौँ आजसम्म स्वाभिमानी बनी
नेपाली हौँ स्वाभिमानलाई बेच्न सकिन्न ।
अमेरिका
लेखकका अन्य सिर्जनाहरू पढ्न यहाँ क्लिक गर्नुहोस्...