साहित्यपोस्ट
नेपाली भाषा र साहित्यको सम्पूर्ण पत्रिका
Sahityapost Book

बेकारमा

गजल

Chovar Blues Mobile Size


कस्ले केके सुनाइदियो नानाथरी बेकारमा
नखेलाऊ फाल्तु कुरा मनभरी बेकारमा

भएजति वाचा कसम खुवाउँदा पुगेन र !
अझै पनि केको शंका घरीघरी बेकारमा

देखे पनि नदेखे झैं गरिदिए भैगयो त !
किन हेर्छौ पारिबाट आँखा तरी बेकारमा

फूललाई फूलजस्तै मुस्कुराएको सुहाउँछ
नबिगार रुप आफ्नो ठुस्स परी बेकारमा

‘माया साटौँ, खुशी बाडौँ बाचुन्जेल’ भनेको हुँ
कस्को जुनी छ र यहाँ अजम्बरी बेकारमा

(अध्यक्ष, अनेसास डेनमार्क च्याप्टर)

प्रतिक्रिया
Loading...