एस. एन. ईलामेली

मरिन्छ कि जस्तो हुन्छ मलाई सन्चो छैन !

कालो सापले बाटो थुन्छ मलाई सन्चो छैन !!
गिज्याउँछन् मृतकका आत्माहरु आई,
चिसो हात्ले झ्वास्स छुन्छ मलाई सन्चो छैन !
कक्र्याउँछ हात खुट्टा भाग्न खोज्छु सपनामै,
भैंसी आई सिङ्ले उन्छ मलाई सन्चो छैन !
खै किन हो हिजोआज घर छेउमा राती,
एक तमास्ले कुकुर रुन्छ मलाई सन्चो छैन !
टहलिँदा यता उता कालो माकुराले,
अनुहारभरी जालो बुन्छ मलाई सन्चो छैन !
लेखकका अन्य सिर्जनाहरू पढ्न यहाँ क्लिक गर्नुहोस्...