Chovar Blues Mobile Size

मुटुभित्र शूल बोकी आयौ प्रिया हाँसिरहेँ
चस्स घोच्ने फूल बोकी आयौ प्रिया हाँसिरहेँ

सोच्थेँ नहर बगाउँछौ मरु समान जिन्दगीमा
साथमा काकाकुल बोकी आयौ प्रिया हाँसिरहेँ

आशावादी हुनैपर्छ जित्नलाई भन्थ्यौ आफैँ
निराशाको मूल बोकी आयौ प्रिया हाँसिरहेँ

फर्किनेछौ बद्लिएर प्रतीक्षामा बस्नुमात्रै
भूल ओढी भूल बोकी आयौ प्रिया हाँसिरहेँ

शङ्खरापुर -१, काठमाडौँ