कता कता के के गर्दै दिन त कट्छ तर

उकुसमुकस र सकस हुन्छ जहिल्यै रातमा ।।

कस्ता मृदु कुरा हुन्थे संवादमा भन्दै
बेलाबेला घोत्लिरहन्छु प्रेमपत्रको खातमा।

सात्विक थिएँ पहिले तामसिक भएको छु
मान्छे यस्तै हुँदा रहेछन् मायाको मातमा ।।

छैँठीको दिन भावीले नलेखेर होला कि?
दशा पो थियो कि खै? शनि साढे सातमा ।।

ब्रह्माण्डमै धोका भोग्ने पवित्रदीप मात्रै होस्
कोही पनि नपरून् है मायाको घातमा ।।