आकाश अधिकारी

तिम्रो सुन्दरताको तारिफ अति भो!
नौजाले रैछौ र अनाहकमा क्षति भो!

बिर्सेर सारा काम तिम्रो पछि दौडिरहेँ!
अङ्कमा हिसाब छ नोक्सान कति भो?

जसलाई विश्वास गरी हुलाकी बनाएथेँ!
के सुन्दै छु आज म उही तिम्रो पति भो!

खोजेँ मन, मन्दिरमा तिम्रो तस्बिर खोजेँ!
तिम्रो यादले जलेछ मुटु हेर कत्रो खती भो!

जे लेखेको छ भाग्यमा त्यही बेहोर्नुपर्छ रे!
यी आँखाबाट बगेर आँसु सागर जति भो!

       तनहुँ