उता मुना एक्लै यता मदन, बेहाल छ जिन्दगी
मुनाको यादले जल्दैछ बदन, बेहाल छ जिन्दगी

मध्य रातमा एकोहोरो सोचिरहन्छु एक्लै एक्लै
जलेको मन को गर्छ जतन, बेहाल छ जिन्दगी

सुनसान रातमा अङ्कमाल गर्दै अधरपान गरेको
सम्झेर त्यो क्षण पागल छ मन, बेहाल छ जिन्दगी

साउती मार्दै जिस्किदै हामीले गरेको त्यो प्रेमालाप
त्यै स्वर्णिम पल सम्झेर तन, बेहाल छ जिन्दगी

बढ्दैछ ढुकढुकी यो मुटुभित्र त्यो दिन सम्झेर
चढ्यो कि मेरो जवानी झन, बेहाल छ जिन्दगी

माडी गाउँपालिका ४, रिजाबाङ (रोल्पा)
प्रदेश-५
हाल: साउदी अरब