दरारहरू बन्द गर घाउ आफैँ भरिने छ
भूकम्प आए जीवनमा, यस्तै गरी मरिने छ

अरुलाई खसाउन जति खाडल खन्छौ तिमी
पाइला सार्दा होस गर, कतै आफैँ परिने छ

लोभ गर ज्ञानको, बढ्छ त्यति जति खोज्छौ
बाड्दैँ जाऊ अरूलाई भण्डार आफैँ भरिने छ

रिसराग द्वेषलाई किन रोप्छौ मन भित्र
खुसी भई खोल आँखा हाँसो त्यसै छरिने छ

दुई दिनको जीवनमा किन मन कुँड्याउनु
सत्यलाई साथ देऊ बैतर्नी नै तरिने छ ।

बस्टन, अमेरिका