सन्तोष हरदम मगर

घाँटी नरेट्ने खुकुरीको, धार बनाएको हुँ
अब म कसरी भनूँ, संसार बनाएको हुँ

आमा सोझो औंलाले घिउ नआएपछि
अब म सोझो नबन्ने, विचार बनाएको हुँ

बाहुन पुग्ने इनारमा दलित अवरोध छ
छोटे सार्की भन्छ त्यो, इनार बनाएको हुँ

म सत्यनिष्ठ बन्नाले सबैको दुश्मनी बने
र त अहिले तस्करको, बजार बनाएको हुँ

मेरो देशमा बेरोजगारीले रुवाइरहेको छ
अगुवा भन्नुहुन्छ देश, रोजगार बनाएको हुँ

फगाम, रोल्पा