खुब घमण्ड गर्दै थियो युद्ध मैदानमा ऊ ढलिरहेको छ
समयको खेल न हो असमन्जसमा ऊ रुमलिरहेको छ

तिमी जिन्दगीको परिभाषा एउटै बोकेर हिँड्छौ सधैं
यहाँ सापेक्षवादको सिद्धान्तले विज्ञान चलिरहेको छ

अब बिर्सिनु पर्छ अगाडि बढ्नुपर्छ मलाई सम्झाइरह्यौ
अझै यादहरुले मुटु पोल्छ भित्र यो मन जलिरहेको छ

हामीले विश्वास गर्यौं भोट हालेर पठायौँ त्यो कुर्सीमा
ऊ सर्वशक्तिमान सम्झिन्छ हामीलाई छलिरहेको छ

एक झिल्को नै काफी हुन्छ लङ्कानगरी दहन गर्न
मेरो पनि समय आउँछ ईखको झिल्को बलिरहेको छ ।

सुनवल १३, नवलपरासी