बहर: बहरे बसीत

हो, जिन्दगीमा खुसीयाली कहानी भयो
घाटा हुने ठाउँमा मात्रै लगानी भयो

खोज्दै सबैको खुसी धेरै उकाली चढे
मस्तिष्कमा सम्झना एक्लै निशानी भयो

आवेगमा होश गुम्दा धारणा बन्छ रे !
भन्दा यहाँ चेतना, दोषी जवानी भयो

मिल्ने भए चाहना मेरो क्षमा माग्दछु
जानेर भन्दा यहाँ गल्ती नजानी भयो

ज्यानै लगाएर बाजी युद्धमा होमिए
जीवन ढल्यो भूमिमा दर्शक सुखानी भयो ।

सोलु.दु. न. पा.-७ गार्मा, सोलुखुम्बु