यहाँ आँखाहरू हर्दम
ट्रेन्डिङको खोजमा हुन्छन्
यहाँ दुनियाँ र पैताला
ट्रेन्डिङको पछि भाग्छन्
के चलेको छ त्यतैतिर हुन्छन्
जे हल्ला छ उतैतिर हुन्छन्
हिजो बुद्धहरू ज्ञान खोजी गर्थे
आज मान्छेहरू ट्रेन्डिङ खोजी गर्छन्

————————

प्रिय महानुभावहरू
पोहोरभन्दा यसपालि
हिजोभन्दा आज
र आजभन्दा झन् भोलि
दनादन चलिरहेको
सुप्परडुप्पर भागिरहेको
यो त रेल हो जिन्दगीको
अदृश्य रुपले सबैभन्दा ट्रेन्डिङमा
पलपल ट्रेन्डिङमा
आफ्नै मृत्यु पो छ
मृत्यु यहाँ महाट्रेन्डिङमा छ ।