साहित्यपोस्ट
नेपाली भाषा र साहित्यको सम्पूर्ण पत्रिका

हतार

Chovar Blues Mobile Size

पानीलाई छोडिदिनु थियो
अलिकति तिर्खा

वतासलाई बाँडिदिनु थियो
अलिकति शीतल

ढुंगालाई दिनु थियो अलिकति वजन
धर्तीलाई अलिकति माटो ।

संकटमा परेको साथलाई
अलिकति साथ

अभरमा परेको बेला
सेवा गर्ने हात
हातलाई अलिकति हात दिनु थियो ।

प्रेमलाई छोइदिनु थियो
प्रेमिल स्पर्श ।

sagarmani mobile size

बिर्सिएर
सबै सबै बिर्सिएर
हत्केलामा पत्थरको मुटु बोकेर
कहाँ हिँडिरहेको हो यो
अहंकारको जुलुस ?

पिएर बैषम्य बिष
किन मातिएको हो
यो हत्यारा सोच ?

उभ्याएर बाटाभरि
अदेख तगाराहरू
दिन दहाडै यसरी
किन सल्बलाई रहेका
अँध्याराका ख्याकहरू

खाली खाली आएका
यि हातहरूलाई
यो व्रम्हाण्ड नै बोकाएर
कुल्चिएर भूईँ फूलहरू
हतारलाई पनि हतार हुने गरी
कता हिडिरहेको हो यो लस्कर ?

 

प्रतिक्रिया
Loading...