मंसिर २१, शुक्रबार ०३:४१ 
| | लक्ष्मण थापामंसिर २२, बिहीबार ०७:०१ |
लक्ष्मण थापा
मलिन मनोभाव
दर्पित मस्तक
जीवन वस् ! थोत्रो बैलगाडा सवार !
भीड अघोरै
ढलेको छु भीष्म
कुरुक्षेत्रबीच सरशैयामा !
जीवन समर हो
ए ! समरजँग आफूलाई सम्हालेर जा
दारिद्रय दलन् र जलन् मेलामा !
कालाहारीको थाप्लोमा किलिमन्जारो
झुटको गह्रुँगो खर्पन बोकेर
नालाको फोहर बाटो हिँड्दै सगरमाथा चढ !
कालो कोइला भित्र
कालो अँगारको खेती
झिलमिल गर्दैछ कालो अफ्रिकन मोती !
मड्किलो मार्ग
सुकुम्बासी गीत
सुकुम्बासी मनको कुनामा चम्किलो हेमचुर्ण !
सुदूर सुदिन
पंक्षी पुनीत लोकालय
जीवन सुनौला आभा लिपेर !
अन्धकुपको अभ्यार्थनामा
दीयोहरुले दैलामा टेकेछन्
जूनकिरी नृत्य छ मणिमाणिक्य जुहार !
कालो आकाशमा
चम्किला तारामण्डल
चुकवेष्ठित छ कालो पहाड !
शीत प्रकोपित
शारदीय गंगा
मौन छ उज्जर आँधी !
बन्द मुठी खोल्दा
सघन अँध्यारो बीच चम्केको
काँच हो या हीरा ?
२०७९/०७/०५
पोखरा-६, बैदाम
साहित्यपोस्ट पढ्नुभएकोमा धन्यवाद
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।
यसलाई जीवित राख्नकोलागि तपाइँको
आर्थिक सहयोग महत्वपूर्ण हुन्छ ।
Scan गर्नुहोला
