जीवनको जटिलतालाई
सरलता दिने मन्त्र नै प्रेम हो
प्रेम भए माटो आमा लाग्छ
प्रेम भए साथी सहोदर भाइ लाग्छ
प्रेम भए ढुङ्गा भगवान लाग्छ
सबैलाई आत्मसात गर्ने
मन्त्र नै प्रेम हो।

प्रेम भए प्रकृति प्यारो लाग्छ
प्रेम भए हर प्राणी आफ्नु लाग्छ
प्रेम भए ईश्वरको प्रत्येक कृति राम्रो लाग्छ
मुटुमा करुणाको विस्फोट गराउने प्रेम हो
जीवनको जटिलतालाई
सरलता दिने मन्त्र नै प्रेम हो।

एम डी फिराक

प्रेम भए जीवन जीवन्त लाग्छ
प्रेम नभए यो दुनियाँ
द्वन्दको कुरुक्षेत्र हुन्थ्यो
टुटेको फुटेको खण्डहर हुन्थ्यो
जगतलाई व्यवस्थामा चलाई राख्ने
सारथी नै प्रेम हो
जीवनको जटिलतालाई
सरलता दिने मन्त्र नै प्रेम हो।

फिराक गोर्खाली
पासीघाट, अरुणाचल प्रदेश
भारत