साहित्यपोस्ट
नेपाली भाषा र साहित्यको सम्पूर्ण पत्रिका

कोरोना भर्सेस ह्युमन

Chovar Blues Mobile Size
रमेश लामिछाने

हरेक दिन ‬
‪समाचार पढछु सुन्छु, ‬
‪आज यति जनाको मृत्यु भयो, ‬
‪ठूलो सङ्ख्यामा ‬
‪कोरोना सङ्क्रमित थपिए। ‬
‪कोरोना मानव जातिको लागि धेरै खतरा भयो। ‬

‪फेरि सुन्छु, ‬
‪मान्छे मानवबाट दानव बनेको‬
‪कस्तो ह्रदयविदारक, ‬
‪कुटिकुटी मान्छे मारेको ‬
‪कालाले गोराको घाँटी निमोठेको ‬
‪नाबालिका बलात्कृत भएको
‪मान्छेले मान्छे मार्नको लागि ‬
‪परमाणु बम बनाएको ‬

‪अनि फेरि सुन्छु, ‬
‪फलफूलमा ‬
‪बिष्फोटक पदार्थ मिलाएर ‬
‪गर्भिणी हात्तीको हत्या गरेको‬
‪जन्मिन नपाउँदै मर्नु परेको
‪प्रकृतिको ‬
‪सुन्दर उपहारको विनाश गरेको।‬

‪सबै सुनेर पढेपछि भन्नै कर लाग्छ ‬
‪सृष्टिको सबैभन्दा ‬
‪कुरुप सिर्जना मानिस हो ‬
‪जो अति नै क्रूर र संवेदनाहीन हुन्छ
‪ ‬
‪पृथ्वीको ‬
‪सबैभन्दा ठूलो भाइरस मानिस हो ‬
‪र त्यसको सानो समाधान ‬
‪कोरोना भाइरस हो। ‬

‪म सृष्टिकर्तासँग
‪एउटै प्राथना गर्छु ‬
‪कि यो मानवता हराएको शहरमा ‬
‪मलाई मानव नबनाइदेऊ ‬
‪अनि मानवलाई दानव नबनाइदेऊ।

sagarmani mobile size

जापान ‬

प्रतिक्रिया
Loading...