साहित्यपोस्ट
नेपाली भाषा र साहित्यको सम्पूर्ण पत्रिका

खै ! त तिम्रो हाँसो

Chovar Blues Mobile Size

बोझहरू बिसाउ तिमी
बोक्छु तिम्रो साटो
म मुस्काउँछु तिमी हाँस्दा
खै त तिम्रो हाँसो ?

फूलैफूलको सौगात लैजाऊ
काँडा मेरो बाटो
म फक्रिन्छु तिमी फुल्दा
खै त तिम्रो हाँसो !

खोली हेर एकचोटी
मन बाँध्ने गाँठो
म आत्तिन्छु तिमी रूँदा
खै त तिम्रो हाँसो ?

रोकिए झैँ लागिरह्यो
जिन्दगीको पाटो
म दौडिन्छु तिमी हिँड्दा
खै त तिम्रो हाँसो ?

शित जति मेरो भयो
बसन्तको साटो
कड्यांग्रिन्छु तिमी रूझ्दा
खै त तिम्रो हासो ?

प्रतिक्रिया
Loading...