साहित्यपोस्ट
नेपाली भाषा र साहित्यको सम्पूर्ण पत्रिका

कविताः दोष

Chovar Blues Mobile Size
नारायण अधिकारी

माथि स्वयम्भूमा
मान्छे जस्ता देखिन्छन् बाँदर
तल सिंहदरबारमा
बाँदर जस्ता देखिन्छन् मान्छे ।

तर
न बाँदर मान्छे हो
न मान्छे बाँदर हो
आँखाको दोष वा चस्माको ?

द्यौराली चढ्दा
ढुङ्गै ढुङ्गाको सिढीँ टेकियो
द्यौरालीको मन्दिर छिर्दा
ढुङ्गाका देउता पुजियो
द्यौराली चढाउने देउता जस्तो ढुङ्गा
मन्दिरभित्र ढुङ्गा जस्तो देउता देखियो ।

तर
न ढुङ्गा देउता हो
न देउता ढुङ्गा हो
आँखाको वा दोष चस्माको ?

चित्र र चरित्रलाई
देख्ने आँखा बोल्दैन
बोल्दैन सुन्ने कान
केबल अफवाह फैलाउँछ मुख
जसले देख्छ न सुन्छ ।

sagarmani mobile size

दोष !
आँखाको वा चस्माको ?

प्रतिक्रिया
Loading...