साहित्यपोस्ट
नेपाली भाषा र साहित्यको सम्पूर्ण पत्रिका

नेपालभाषा अनुवाद श्रृङ्खला ३५

Chovar Blues Mobile Size

कवि परिचय

आर. मानन्धर (ई. १९६६) मूलतः नेपालभाषाका लेखक हुन् । विशेषतः दर्शनलाई विषयवस्तु बनाएर लेख्ने कविको रूपमा परिचित छन् । यदाकदा उनी समसामयिक विषयवस्तुमा पनि लेख्छन् ।
उनका पुस्तकहरू नेपालभाषामा ‘कुलांया थिया’, नेपालीमा ‘क्षितिजको स्पर्श’ र ‘कवितामा आकाश’ प्रकाशित छन् । साथै, उनी अंग्रेजी पुस्तक ‘कन्सियस लीडरशिपः अ जर्नी विथइन’ का लेखक पनि हुन् ।

दङ्ग छ धरहरा !

आर. मानन्धर

आज साह्रै दङ्ग छ रामे !
समाचारमा उसले सुनेको छ
धरहरा फेरि ठडियो !

sagarmani mobile size

बीस तीस वर्षअघि
तुइन चढेर नदी तरेर
गाउँबाट निस्केर ऊ
नेपाल पुगेको थियो
त्यहाँ सबभन्दा पहिला उसले
धरहरा देखेको थियो
झन्डै टोपी नखसेको !

पुनः तुइन चढेर गाउँ फर्किंदा
सुनाएको थियो उसले
गाउँभरिका सबैलाई
काठमाडौंको रमझम
धरहराबाट देखेको सहरको बयान
अमरावती कान्तिपुरीको बखान !

सुन्नेहरु सबै अचम्म मान्दै सुनेको सुनेकै
मनमनै ठाने तिनले
यो रामे साह्रै भाग्यमानी रैछ !
नेपाल देख्न पाको !
यद्यपि उसको घरको छाना चुहिन्छ
ओहोरदोहोर गर्न पनि
तुइन चढ्नु पर्छ !

रामे मात्र कहाँ हो र ?
गोरखाका शाह
अर्घाखाँचीका राणा
पूर्वका ओली
मध्य तराइका नेपाल
कास्कीका दाहाल
सुदूर पश्चिमका देउवा
सबै ठान्छन्
काठमाडौं नै नेपाल हो
अनि धरहरा नै काठमाडौं !

त्यसैले त भूकम्पको लगतै
‘वी विल राइज अगेन’ भन्दै
सबभन्दा पहिला धरहरा ठड्याउँछन्
धरोहर तिनले देख्दै देखेनन् !

सहरका कतिपय घरहरु
अझै टेकाको भरमा छ
गाउँमा कति परिवार
अझै टहरामा छन्
दुर्गमका तुइन जस्ताको तस्तै छन्
एउटा धरहरा मात्रै
हठात् ठडिएको छ !

धरहरा ठडिएकोमा
दंग परेका नेपालीहरु हेर्दै
धरहरा आफैं दंग छ !

श्रोतः न्हू प्रेष्टिज नेपाः (वर्ष १९, अंक ३)

मूल नेपालभाषामा

लेखक परिचय
प्रतिक्रिया
Loading...