साहित्यपोस्ट
नेपाली भाषा र साहित्यको सम्पूर्ण पत्रिका

कवितानामा श्रृङ्खला कविता-२८

Chovar Blues Mobile Size

घाम घाम जस्तो नलागेको पनि धेरै भयो
घाम घाम जस्तो नभएर अरु केही जस्तो लागेको पनि धेरै भयो ।

यो घाम रातो जस्तो मात्र छ तातो छैन
यो घाम आगो जस्तो मात्र छ पोल्दै पोल्दैन ।

घाम घाम जस्तो नभएदेखि
काखिहरु बजिरहन्छ प्याट प्याट प्याट
काखिहरु गन्हाई रहन्छ ।

एक मुटु न्यानो नपाएर ओठहरु कक्रिसके
एक मुटु न्यानो नपाएर आँखाहरु लोलाइसके
एक मुटु न्यानो नपाएर आङ सिकुडी सके
एक मुटु न्यानो नपाएर छातीहरु काँप्न लागिसके
अब रगत जम्न मात्र बाँकी छ
अब प्राण पनि अल्झिसके ।

निर्मल आग्रह
sagarmani mobile size

घाम घाम जस्तो लाग्न छोडेदेखिन हो
काखिहरु बजिरहन्छन्
काखि गन्हाईरहन्छ ।

फलत दुर्गन्ध फैलिरहेछ
दुर्गन्ध बढिरहेछ ।

यो घाम घाम जस्तो नालागेर पनि हो
यहाँ अहिले उज्यालो र अँध्यारोको केही फरक छैन ।

घाम घाम जस्तो नरहेपछि अब केही पनि केही जस्तो छैन
न जिन्दगी जिन्दगी जस्तो
न मृत्यु मृत्यु जस्तो ।

दुईटै आधा-आधा ।

लेखक परिचय
नआ
निर्मल आग्रह
प्रतिक्रिया
Loading...