साहित्यपोस्ट
नेपाली भाषा र साहित्यको सम्पूर्ण पत्रिका

कविताः अर्थको अनर्थ

बग्दै गर्छ पानी
मौन ढुङ्गालाई स्पर्श गर्दै नदी
चुपचाप ढुंगा
पानीको गतिलाई धार दिँदै ।

हेर्नेलाई लाग्छ
एउटा युद्ध हुँदै छ
पानी र ढुंगाबीच
देखिएको दृष्यलाई नै ठान्छ सत्य
वास्तविकताभन्दा पर, धेरै धेरै पर ।

bahulako diary small and inside post

अर्थको अनर्थ हुने गरी
एउटा उपमा — शत्रु र मित्रको
यथार्थभित्रको यथार्थलाई धुलोले छोप्दै
हेर्दा हेर्दै नानाथरिका प्रसंगहरु फैलिसक्छन्
पानीको स्वतन्त्रता हनन भयो भनेर !

कवि परिचय

नविन चित्रकार बहुआयामिक व्यक्तित्व हुन् । उनी कवि हुनुको साथसाथै नेपालभाषा र नेपाली दुवै भाषाका नाटक, टेलिफिल्मका नाटककार, निर्देशक, पटकथाकार र कलाकार पनि हुन् । उनी उत्कृष्ट पटकथा (नेपाली) र उत्कृष्ट एकांकी (नेपालभाषा) मा पुरस्कृत पनि भइसकेका छन् ।
भाषिक र साहित्यिक संस्थाहरुमा सक्रिय उनी फाउण्डेशन अफ सार्क राइटर एण्ड लिटरेचरको नेपाल शाखाका सदस्य–सचिव पनि हुन् ।
उनको एउटा कविता सँग्रह र अनुवादका दुइ कृति प्रकाशित छन् ।

अनुवादकः आर. मानन्धर

मूल नेपालभाषामा

 

लेखक परिचय
प्रतिक्रिया
Loading...