साहित्यपोस्ट
नेपाली भाषा र साहित्यको सम्पूर्ण पत्रिका

कविताः यो गणतन्त्रमा

Chovar Blues Mobile Size
प्रल्हाद कुमार ढकाल

यो गणतन्त्रमा
महारानी जस्तै जीवन
बाँच्न बाध्य मेरी जहान कठै
राजकुमार जस्तै जीवन
बाँच्न बाध्य मेरो छोरो बरा
राजकुमारी जस्तै जीवन
बाँच्न बाध्य मेरी छोरी हरे
शाहज्यादा मेरो भाइ उफ्
शाहज्यादी मेरी बहिनी च्व
भित्तामा श्री ३ सरी
फोटामा विराजमान बुबाहजुर
मुमाबडामहारानी वा सो सरह
मेरी आमा र सासु हजुर
राजाकै राँगो फुकाको जस्ता
उन्मत्त मेरा नातेदारहरु
यो गणतन्त्रको परिबन्धमा
गणकै चहाना मुताविक
बाध्य छौ बाँच्न यसोरी
म मेरो परिवार र आफन्तगण
यो गणतन्त्रमा ।

प्रतिक्रिया
Loading...