साहित्यपोस्ट
नेपाली भाषा र साहित्यको सम्पूर्ण पत्रिका

कविता : जिन्दगी

Chovar Blues Mobile Size
डा. गोबिन्दसिंह रावत (क्यानडा)

खै किन हो कुन्नि ?

कहिलेकाहीँ जिन्दगी

रिसाएर बसी दिएपछि

हाम्रो दैनिकी रोकिन जान्छ

अथाह पीडाका बीच

sagarmani mobile size

बाँच्नुको अङ्कगणित मिलाउन खोज्छौ

तर त्यसबेला खै किन हो कुन्नि

जोड घटाउ भाग र गुणनको प्रतिफल

शेष नै देखिन्छ

थाहा छ कतै हिसाब पक्कै मिलेको छैन

तर पनि असहाय पीडा र अस्पतालको

वातावरणले हामी

युद्धमा गोली लागेको सिपाही जस्तै

जीवन र मृत्युको दशगजामा उभिएको जस्तो

अनुभूत गर्न थाल्छौँ

त्यसैबेला अस्पतालको बेडमा पल्टिएर

परिवारजनको आकृति

सिलिङ्मा दृश्यमान बनेर

अतीतका मीठा सम्झनामा पुर्याइदिन्छ

पीडामा किंकर्तव्यविमूढ़ बनेको हामी

चिकित्साको वरदानले तङ्ग्रिएपछि

हिजो अस्पताल आउन हतारिए झैँ

आज कुटुम्बमा मिसिन लालायित हुन्छौँ

सायद यही मानवीय जीवनको स्वार्थीपन हो ।

प्रतिक्रिया
Loading...