विवेक दुलाल क्षेत्री

ग्रहणयोग्य हुनु
र जबर्जस्ती लिनु
फरक विषय हुन् ।
प्रेम गर्नु
र प्रेम पाइनु
अलग सोच हुन् ।
देख्दा मात्र
काँडा र फूल एकै ठाउँमा छन्
एकै ठाउँ रहनु र मन मिल्नु
झन् पृथक् कुरा हुन् ।
अक्षर र प्रशंसाका
पटाङ्गिनीमा लेख्न
बोल्न मात्र पो
सजिलो छ ।
मलाइ यो सोचेर
डर लाग्छ कि
मैले कैयन् पटक
प्रेमको नाममा फूलहरु
मुर्झाएको देखेको छु ।
कामना छ
गुलाफले चुडिएर कसैको
शिरमा होइन
अब नचुडिइकन बोटमै
खिलखिलाउने अवसर पाओस् !
लेखकका अन्य सिर्जनाहरू पढ्न यहाँ क्लिक गर्नुहोस्...