जीवन तिवारी

जीवन तिवारी

सदियाैँदेखि
फूल भाेगिरहेछ
चुँडिनुकाे पीडा
अरुलाई जाेडेर
आफू आफैँबाट छुटिनु/टाढिनुकाे पीडा

फूल कहिल्यै फूल भएर बाँच्न
पाएकाे छैन ।

वर्षाैदेखि फूल
बाँचिरहेछ फगत मान्छेहरूकाे
प्रेम साट्ने माध्यम बनेर ।

मान्छेहरूकाे प्रेम देखेर
अचेल फूल पनि
प्रेमिल हुन थालेकाे छ ।
आजभोलि
फूललाई पनि फूलसँग
मान्छेकाे आँखा उपहार दिएर
प्रेम साट्ने रहर जाग्दैछ ।