विष्णु खरेल (अमेरिका)

प्रेमको नदी रोकिन्न कहिले बहन्छ निरन्तर

समय, सारथी बनाई बग्छ युगौँ-युगान्तर ।

लहरले कहिले छोडेर जाला, किनारा नदीको ?

सुवास कहिले झरेर जाला, सुन्दर फूलको ?

प्रेम त हुन्छ गहिराइमा खोजेर भेटिन्न ।

महसुस गरे मनभित्र हुन्छ मेटेर मेटिन्न ।

स्वास र प्राण एकाकार हुन्छन् प्रेमिल मनमा ।

पुतली उड्छन् फिजाई पङ्ख सुन्दर वनमा ।

तरङ्ग ल्याउँछ प्रेमले सधैँ बनाउँछ मन मगन ।

बादलले वर्षा गराएपछि चम्किन्छ नील गगन ।

मन त उड्छ अनन्तसम्म क्षितिज पारीमा ।

बसन्त ल्याऊ फुलाई फूल आ-आफ्नै बारीमा ।