साहित्यपोस्ट
नेपाली भाषा र साहित्यको सम्पूर्ण पत्रिका

पल्लो देशको साथीलाई

कविता

Chovar Blues Mobile Size

साथी …

तिम्रो देश दुख्दा

मेरो मन दुखेको हुन्छ

मेरो देश दुख्दा

म आफैँ दुखेको हुन्छु ।

एउटै मानव आमाका सन्तान भए पनि

sagarmani mobile size

सिमाना फरक हुँदा

देश अलग हुँदो होला

देशसँग जोडिएकाे

हाम्रो भाग्य पनि फरक हुँदो होला

हाम्रो भाग्यले दिएको

हाम्रो आस्था फरक होला

हाम्रो आस्थाले दिएको

हाम्रो संस्कृति फरक होला

तर साथी

हामीले टेकेको धर्ती त एउटै हो

हामीले ओडेको आकास एउटै हो

हामीले फेरेको सास पनि एउटै हो

हामी बाँचिरहेको युग एउटै हो

एक पटक तिमी …. तिम्रो इतिहाससँग

भलाकुसारी गरी हेर त ….

कतै तिम्रो वर्तमान मेरो अतितसँग

जोडिएको पाउन सक्छौ

तिम्रो भविष्य मेरो वर्तमानसँग

गाँसिएको पाउन सक्छौ

जे होस् … अन्तमा तिमीले

तिमी र ममा कुनै अन्तर पाउने छैनौ ।

त्यसैले साथी …

तिम्ले तिम्रो देश बनाउँदा

मेरो भाग्य नफुटाई बनाउनु

मैले मेरो देश बनाउँदा

तिम्रो मन नदुखाई बनाउने छु

 

 

प्रतिक्रिया
Loading...