साहित्यपोस्ट
नेपाली भाषा र साहित्यको सम्पूर्ण पत्रिका

कविता : आहुति

Chovar Blues Mobile Size
वन्दना गौतम (म्यान्मा)

अत्याचारको विरूद्ध बुलन्द

आवाज लिएर निहत्था युवाहरू

सडकमा उत्रिएका के थिए

देश रक्षकको आवरणमा

असुरको आक्रमण हुन्छ

sagarmani mobile size

सन्तानहरू सुरक्षित रहुन्

यही धेय लिएर

करूणा, ममता र स्नेहले ओतप्रोत ध्वनि

भाग भाग भाग …..

एक नाश गुञ्जिन्छ घटनास्थलमा ।

मानवता हराएका मन

मस्तिकमा असुर नै सवार भएझैं

अनियन्त्रित सेनाका गाडी

आन्दोलनकारी, निहत्था युवाहरूको

छातीमाथि गुडाइन्छ ।

भाग्न नसकेकाहरू लडिरहे

अनायास छातीमा गोली हानी दिन्छन्

असुरहरू ! एकापट्टि भागाभाग चलिरहेको छ

अर्कोपट्टि लडिरहेको छ

साथी आफू मात्र जोगिने,

आफू बाँचे भैगयो भन्ने

एकलकाँटे स्वभाव नभएको प्रमाण दिएका छौ ।

साथीको निम्ति आफैँ पक्राउमा

परेका छौ लाखौं मानिसका

हृदय आँशुले भिजेको योबेला ।

प्रतिक्रिया
Loading...