साहित्यपोस्ट
नेपाली भाषा र साहित्यको सम्पूर्ण पत्रिका

कविता : समय

Chovar Blues Mobile Size

 

विकाश चाम्लिङ (दार्जीलिङ)

हिजोसम्म हो
मैले चलाएको खुकुरी
र यादहरु आउनु,
आज-आज

अहिले भएर आफैँ अचानो हुँदा
कहाँ छुट्छ दुखाइका पश्चतापहरु,

चट्याङ झरेजस्तो लाग्छ अहिले
उहिले खसाल्दा झरेका खित्काहरु,

अहिले घोच्दा घाउ दुख्छ भन्नु नसक्दा
सोच्छु फेरि फर्केर आउस्
त्यो समय
यतिबेला म खुकुरी भिरेको हुन्थे
हातमा गुलेली
अनि..
हिँडिरहेको हुन्थे फूल खसाल्दै ।

sagarmani mobile size

समयको काँध समाउँदा-समाउँदै
घाम डुब्दा भँगेरो उडाइपठाएको हो
समयले,
अनि
भँगेरोले मेरो अतीतभित्रका
तितोपन,
वसन्तको पात समाउँदा-समाउँदै
झर्दा फूलहरु
समयले
मलाई बिर्सेर ओह्राली लागेको हो
पक्कै !
कति निष्ठुरी छ
मभित्र कठ्याङरिएर मुठ्ठी पार्छ
दुबै हात समयले
र झिकेर मेरो कलेजो
अँचानोमाथि रखी फेरि चलाउन खोज्छ
खुकुरी ।

म कहाँ हारेको छु ।

प्रतिक्रिया
Loading...