साहित्यपोस्ट
नेपाली भाषा र साहित्यको सम्पूर्ण पत्रिका

कविताः ह्याप्पी बर्थ डे आमा

Chovar Blues Mobile Size

 

मीनाक्षी मगर

मीनाक्षी मगर

आजको दिनमा सूर्यको उदय भयो
जूनको शीतलतामा जूनकीरीहरू
फनफनी नाची रहे
बतास हतारिँदै थियो
सरर पाल्पाको श्रीनगर डाँडा चिसाउन
अनि
ताराहरू बादलसँगै लुकामारी खेल्दै थिए

पानीका थोपाहरू
बर्सुँ ? या नबर्सुँ ? अन्योलमा थिए
तब उदय भयो मेरी जननी
साक्षात् देवीमाता पार्वती

पचासौं वसन्त पार गर्नु भए पनि
छालाले कान्लैकान्ला जोते पनि
ती रेखा अनि खाडलहरूमा
अझ पनि मिहिनेत र जाँगरको रुख
ठिङ्ग उभिएकै देख्छु म
पहेलो पटुकीमा खुसी बाँधिएकै देख्छु म
चौबन्धी चोलीको तुनामा माया गाठो परेकै देख्छु म
खुट्टाको कुर्कुचामा दुःख कुल्चिएकै देख्छु म

sagarmani mobile size

ओठमा खुसीले हरदम बयली खेलिरहोस्
कालान्तरसम्म भाग्यले साथ नछाडोस्
हजुरको जन्मदिनमा सयौं वर्षको शुभकामना आमा ।

 

प्रतिक्रिया
Loading...